Didal mopakita'g aksiyon sa Australia sa Pebrero 4
CEBU, Philippines — Suwayan ni Cebuana skateboarding sensation Margielyn Didal nga makapakita'g aksiyon sa 2020 Tokyo Olympics pinaagi sa pagsalmot sa qualifiers didto sa Australia sa Pebrero 4.
Si Didal kasamtangan nga rank No.13 sa World ranking, apan kinahanglan nga mosaka pa siya aron maseguro ang luna sa Olympics ilabi na nga ang top 20 ra human sa tanang qualifiers ang hatagan og kahigayonan didto sa Japan.
"It's not gonna be easy but that (Olympics) is our target this year. We want to have a better, more comfortable slot so we’re aiming to make it to at least top 10 or top 8 after the remaining qualifiers," matud ni Skateboarding and Roller Sports Association president Monty Mendigoria sa The Philippine STAR.
Salig hinuon si Mendigoria sa abilidad sa Asian Games ug SEA Games gold medalist nga si Didal. Timaan niini mao ang pag-andam nila sa training camp ni Didal alang sa Olympics.
Si Mendigoria miingon nga ipaubos nila si Didal og kapin lima ka bulan nga training camp sa gawas sa nasud aron modako ang tsansa niini nga mohatod og medalya alang sa nasud sa Olympics.
- Latest
