Ancajas-Estrada fight di madayon
CEBU, Philippines — Magpaabot pa og taas nga panahon si IBF superflyweight champion Jerwin Ancajas aron matuman ang gipangandoy niyang unification bout batok ni WBC champion Juan Francisco Estrada.
Kini human ang kampo ni Estrada mirason nga kinahanglan pa og igo nga panahon ang Mehikanong boksidor aron hingpit nga makarekober sa iyang injury sa kamot. Si Estrada katapusang misaka sa ring niadtong Agosto ug midaog pinaagi kini human niya gipaundang si Dewayne Beamon.
Mireklamo si Estrada sa pagbalik og sakit sa iyang tuong kamot nga gioperahan na niadtong tuig 2015 human mabuak.
Wala hinuon mawad-i og kadasig si Ancajas nga mopokus na lang sa iyang mga title defense karong tuiga.
Ang 28-anyos nga si Ancajas gikatakda nga manalipod pag-usab sa iyang bakus batok sa Mehikanong si Israel Gonzales.
Si Gonzales gipaundang na ni Ancajas niadtong tuig 2018, apan makabaton kini og kahigayonan nga makabawos sa Pinoy human niini gipilde ang No. 5 rank nga si Sho Ishida.
Gawas ni Gonzales, milutaw usab ang pangan nilang Alexandru Marin sa Romania ug Australia Andrew Moloney nga pulos nagtinguha mopalagpot ni Ancajas sa iyang trono.
- Latest
