Carter mikulit NBA record

CEBU, Philippines — Si Vince Carter sa Atlanta Hawks mikulit og laing rekord sa mabulokon niyang karera sa NBA.

Kagahapon, si Carter nahimong ikalima nga player sa kasaysayan sa NBA nga nakapakita og aksiyon sud sa 1,500 ka duwa.

Ang 42-anyos nga si Carter nakigduyog na karon nilang Robert Parish (1,611), Kareem Abdul-Jabbar (1,560), Dirk Nowitzki (1,522) ug John Stockton (1,504) isip mao lamang nga mga players nga nakakab-ot sa maong dungog.

Wala hinuon makumpleto ang kalipay ni Carter gumikan kay ang Hawks gibalian man og pako sa Miami Heat, 135-121. 

Si Carter mitapos uban ang 12 puntos.