Harden mikulit og kasaysayan
CEBU, Philippines — Laing rekord ang gipatik ni Houston Rockets star James Harden human nahimo siyang ikatulo sa kasaysayan sa NBA nga adunay labing daghan nga 60-point performance.
Nabuhat kini ni Harden atol sa ilang dominanteng 158-111 nga kadaugan batok Atlanta Hawks niadtong Domingo diin mirehistro siya og 60- puntos nga ikaupat sa iyang karera.
Si Harden nakigtabla ni legend Michael Jordan kinsa aduna usab tulo, samtang gauna si NBA great Wilt Chamberlain nga adunay 32 ug Kobe Bryant nga adunay unom.
“That’s greatness right there. Those guys are something that I’m trying to get to,” matud ni Harden kinsa mipasud og 16 sa iyang 24 ka mga tira.
Mas makabilib tungod kay nabuhat kini ni Harden sud lang sa tulo ka kuwarter. Si Rockets coach Mike D’Antoni mipalingkod na sa iyang sinaligan sa final period human makita nga dili na kaapas ang Hawks.
Sa laing duwa, ang Milwaukee Bucks miinat sa ilang winning streak ngadto sa 11 human nila gilat-an ang Charlotte Hornets, 137-96. Si MVP Giannis Antetokounmpo mipaksit og 26 puntos aron pangulohan iyang koponan.
- Latest
