Leonard bayani sa Clippers

CEBU, Philippines — Mipasud sa iyang krusyal nga  jumpshot  sa katapusang 15 segundos si Kawhi Leonard nga  nakapahimo niyang bayani sa kadaogan sa Los Angeles Clippers batok sa Houston Rockets, 122-119  sa duwa nila sa NBA kagahapon didto sa Staples Center sa Los Angeles, California.

Labaw og singko puntos ang Rockets, 55-50 sa first half ug mitubo pa kini sa third period, 70-59.

Sa pagpangulo nilang Leonard ug Paul George, ang Clippers hinay-hinay nga mibangon hangtod nailog ang daog.

Ang Rockets maoy nagkupot sa uno punto nga labaw sa katapusang 22 segundos, apan wala magkadimao ilang depensa hinungdan  nakahigayon si Leonard pag-itsa.

Si Leonard maoy topscorer sa Clippers sa iyang 24 puntos, samtang si George adunay 19 puntos. Ang Clippers misakmit sa ikaupat nga sunod-sunod nila nga daog. Ang Celtics ug Rockets nagsawo sa ikatulong dapit sa West standing sa managsama nilang 11-5 nga baraha. Nakawang ang 37 puntos ug 12 ka assists ni James Harden kay nahagba ang Rockets. Ang iyang katimbang   nga si Russell Westbrook adunay 22 puntos.