Ika-9 nga edisyon sa awum gilusad
CEBU, Philippines – Pormal nga gilusad kagahapon ang ikasiyam nga edisyon sa sikat nga All-Women’s Ultra-marathon (AWUM) nga gikatakda sa Marso 7 sunod tuig didto sa Il Curso sa South Road Properties.
Si Dr. Humility Igana, usa sa mga organizers sa maong lumba, miingon nga sa sayo nilang pag-anunsiyo sa detalye, mas daghan sila og mga long-distance female runners nga maagni nga mosalmot.
Giklaro hinuon ni Igana nga gilimitahan ra nila sa 350 ka slots ang lumba aron usab maseguro ang seguridad sa tanang mosalmot ilabi na nga lang lumba adunay gitas-on nga 50-kilometros.
Ang maong ultramarathon manukad sa Siyudad sa Sugbo ug moagi sa mga Dakbayan sa Mandaue, Lapu-Lapu sa dili pa mobalik.
"We are after everyone's safety especially since we are going to run at night unya puros mi mga babaye.We are not after quantity kay di man ni negosyo amoa.This is our way of celebrating the Women’s Month too!," matud ni Igana sa press conference kagahapon didto sa Cebu City Hall.
Mga ganting medalya ug mga freebies ang nagpaabot sa top 10 finishers.
- Latest
