Durant nihawa tungod ni Green

CEBU, Philippines — Gitug-an ni Kevin Durant nga usa ang kanhi niya teammate sa Golden State Warriors nga si Draymond Green ang hinungdan nganong  nibiya siya sa koponan ug mitapon na karon sa Brooklyn Nets.

Si Durant miingon nga hinay-hinay siya nga nawad-an og gana sa Warriors ilabi na kadtong gisinghagan siya ni Green makapila ka higayon sa miaging season.

Mipagawas usab og pamahayag si Green sa miaging    season  nga wala kaayo sila manginahanglan ni Durant aron modaog og kampiyonato.

Giklaro hinuon ni Durant nga wala siya magdumot ni Green o sa Warriors ug dako gihapon siya og pasalamat sa koponan diin niya makuha ang duha niya ka NBA rings.