Matitinding kabayo bakbakan sa 6th Pasay ‘Travel City’ Racing Festival
MANILA, Philippines — Matitinding kabayo ang matutunghayan sa pagpapakawala sa 6th Pasay ‘The Travel City’ Racing Festival sa Nobyembre 3 na gaganapin sa MetroTurf Racing Complex sa Malvar, Batangas.
Kabuuang 12 kabayo ang nominado para sa tampok na 6th Pasay ‘The Travel City’ Cup.
Ang mga ito ay ang Certain To Win, Garantisado, Gomper Girl, Metamorphosis, Pangalusian Island, Scarborough Shoal, Sooner Time, Stella Malone, Summer Romance, Truly Ponti, Und Kantar at Victorious Colt.
Mag-uunahan naman ang pitong kalahok sa 6th Pasay Rep. Tony Calixto Cup na kinabibilangan ng Boss Emong, My Jopay, Patong Patong, Refuse To Lose, Shanghai Grey, Toy For the Big Boy at The Accountant.
Ang dalawang stakes race na parehong paglalabanan sa distansyang 1,600 metro ay may total guaranteed prize na P700,000 bawat isa para sa top four placers.
Ang ikatlong malaking karera sa taunang festival na ito ay ang 5th Former Pasay Mayor Eduardo ‘Duay’ Calixto Memorial Cup na paglalabanan naman ng Harapin Mo, Joyous Solution, Mark of Excellence, Miss Campbell, Queensboro, To It’s Si Bing, Top Attraction at Union Run.
Kabuuang premyong P300,000 ang nakalatag sa distansiyang 1,600 metro.
“We are now on the sixth edition of this annual racing festivities that is part of the Pasay City founding anniversary celebration. This is getting bigger every year and and we would like to invite you to be a part of this year’s affair,” sabi ni Pasay City Rep. Tony Calixto.
- Latest
