'out-of-towners' nanghawod sa CEPCA Tatluhan chessfest

CEBU, Philippines — Sama sa gipangagpas, ang mga out-of-town teams nga gipangulohan sa Noah Declan misilhig sa nag-unang tulo ka 

puwesto sa  3rd Boy "Chessmoso" Pestaño Memorial Cup Tatluhan Rapid Tournament  nga gipasiugdahan sa Cebu Executives and 

Professionals Chess Association (CEPCA) niadtong weekend diha sa  BarracksChess Club sa Robinsons Galleria Cebu.

Gilangkuban nilang Norman Longhas, Glicerio Pardillo Jr. ug Genesis Apog, ang Noah Declan Chess Team sa Bohol 

maoy mikampiyon ning 9-round Swiss system competition uban ang 16.0 puntos. Mibulsa sila og P30,000.

Ang Triple Lima sa Catbalogan, Samar nga gitimon nilang Anthony Makinano, Leo Lofranco ug Robert John Padel ug 

ang AIMCOOP sa Aurora, Zamboanga del Sur nga gibidahan nilang Roumundo Jaime Edades, Wilhelm Joey Ardiente ug Cecil 

Cuevas parehong mitali og 14.0 puntos, apan ang Triple Lima maoy mipahiluna sa ikaduhang dapit gumikan sa mas taas niining tie-breaker.

Ang Triple Lima mibulsa og P20,000, samtang ang AIMCOOP nakadawat og P10,000.

Ang The Bachelors nilang Richard Natividad, Ruel Nuttal ug Martin Sean Kwan, Sagay City Chess Club A nilang 

International Master Joel Pimentel, Candido Lepiten ug Amalio Bayot, Darkhorse nilang Junaico Segismar, John Vandam Gutib 

ug Bernabe Tagulo Jr. ug CDEO Veterans Move nilang Jaime Joshua Frias, Cleto Vasquez ug Eduardo Tare parehong mitak-op sa 

ilang kampanya bitbit ang 13.0 puntos.

Apan ang The Bachelors maoy nalandig sa ikaupat nga puwesto gumikan sa mas nindot niining tie-breaker. Ang Sagay 

City A mitapos sa ikalima ug gisundan kini sa Darkhose ug CDEO Veterans Move.

Naglangkob sa top 12 uban ang 12.0 puntos matag usa mao ang Team Mamaslang nilang Basilio Pandan Jr., Bryan Jose 

ug Jason Nabatlao, Pawn na Pula nilang  Ronald Ganzon, Lemuel Montero ug Angelo Team, Chesson nilang Levi Mercado, Abdul 

Halil Abdullah ug Bobby Salomon, Cebu Strikers nilang Rommel Ganzon, Jason Bandal, ug Jovannie Babano ug EVC nilang 

Jerish John Velarde, Ariel Joseph Abellana ug Raymond Abellana.

Gipresentar sa CEPCA ubos sa liderato ni Engr. Jerry Maratas, ang duha ka adlaw nga torneyo nga gisalmotan og 64 ka 

teams nahimong posible gumikan sa suporta sa Jemar Engineering Services, Celjem Construction and Development Corporation, 

Handuraw Pizza, Salon de Rose ug sa pamilya ni anhing Boy Pestaño  nga maoy founder sa CEPCA.