UC Jrs. Baby Panthers 2-0 na
CEBU, Philippines — Ang defending champion University of Cebu (UC) Junior Webmasters ug ang University of Southern Philippines Foundation (USPF) Baby Panthers mikastigo sa tagsa-tagsa nila ka mga kontra aron pagpabiling way pilde sa 19th Cebu Schools Athletic Foundation, Inc. (CESAFI) men's basketball tournament kagahapon sa Cebu Coliseum.
Lab-as pa gikan sa 87-46 nga pagmasaker sa University of the Visayas (UV) Baby Lancers, ang Junior Webmasters naka-iskor og laing demolisyon, ning higayona batok sa University of San Carlos (USC) Baby Warriors, 74-51.
Sila si Nathaniel Micutuan ug Gabriel Leonard parehong mikadlit og 13 puntos samtang si Isaiah Blanco, anak ni ex-PBA star ug karon Cebu City councilor Dondon Hontiveros, miamot og 12 puntos alang sa Junior Webmasters, nga wala na molingi pa sukad misutoy ngadto sa sayong 17-6 nga labaw.
Bisag og komportableng naglabaw, 57-36, human sa tulo ka kuwarter, wala gyud mikompiyansa ang Junior Webmasters ug gani misamot pa sila og kainit dayon na sa paginat sa ilang labaw ngadto na sa 26 puntos, 74-58, sa hilimatyong oras nga naghibilin.
Gumikan niini, ang Junior Webmasters nakigsawo na karon sa Baby Panthers sa liderato sa juniors division bitbit ang managsamang 2-0 records.
Luyo sa maanindot nga salida ni Christopher Isabelo nga mihipos og 12 puntos, ang Baby Panthers mipakugang sa University of San Jose-Recoletos (USJ-R) Baby Jaguars, 71-54.
Human miposte og 21-12 nga labaw sa unang kuwarter, ang Baby Panthers padayong nga mikulating sa Baby Jaguars dayon na ngadto sa pagpaburot sa ilang labaw ngadto na sa 23 puntos, 56-33, padung
- Latest
