Lee, Barroca moduwa na, Aguilar papahuwayon
CEBU, Philippines — Andam ang duha ka Gilas Pilipinas point guards nga sila si Paul Lee ug Mark Barroca nga mopakita dayon og aksiyon sa pagbukas sa PBA Governor's Cup karong semanaha uban sa Magnolia Hotshots.
Ang duha ka veteran guards wala mopakita og kaluya sa ilang pagsanong nga moapil dayon sa team practice sa Magnolia nga maoy defending champion sa conference.
Si Magnolia coach Chito Victolero andam unta nga hatagan og panahon ang duwa nga makapahuway human sa ilang serbisyo sa national team sa FIBA World Cup didto sa China, apan ang duha ang namugus.
Sa laing bahin, si Barangay Ginebra Kings coach Tim Cone mibutyag nga papahuwayon una niya iyang star forward nga si Japeth Aguilar kinsa miduwa usab alang sa Gilas.
Si Cone nagtuo nga kinahanglan makarekober ni Aguilar aron makabawi kini sa iyang kalagsik ug kusug.
“We gave him a number of days off. He needs to take a break. We want him to come back fresh-minded," matud pa ni Cone.
- Latest
