Alapag kandidato isip Gilas coach

CEBU, Philippines – Mitumaw ang pangan ni PBA legendary point guard ug kanhi Gilas Pilipinas team captain Jimmy Alapag sa posibleng mohulip ni Yeng Guiao isip head coach.

Ang Gilas kinahanglan    nga makapili og bag-ong coach aron sayo kining  makaporma  pangandam sa 2023 World Cup. 

Si Alapag adunay taas nga kasinatian sa Gilas isip player ug assistant coach. Katapusang siyang niduwa niadtong  2014 World Cup  sa Spain. 

Nahimo usab nga champion coach si Alapag  uban sa Alab Pilipinas sa ASEAN Basketball League sa miaging tuig.

Si Alapag anaa karon sa kampo sa San Miguel Beermen isip assistant coach.

  Hinuon, ang Amerikano nga si Tab Baldwin pabiling kusog    sunod mahimong coach sa Gilas. Si Baldwin maoy mi-coach sa Gilas nga misakmit og silver medal sa FIBA Asia Championships niadtong 2015.   Laing mga pangan  nga posibleng himuon coach mao si Gilas asst. coach Ryan Gregorio ug multi-titled PBA coach nga si Tim Cone.