Bautista susuntok din sa 2nd round

MANILA, Philippines — Nagmartsa rin sa second round si Ian Clark Bautista matapos magsumite ng agresibong unanimous decision win sa 2019 AIBA World Boxing Championships na ginaganap sa Yekaterinburg, Russia.

Sapat na lakas ang inilatag ni Bautista para patalsikin sa kontensiyon si six-footer Viliam Tanko ng Slovakia via 5-0 victory sa first round ng men’s featherweight (57 kgs.) division.

Haharapin ni Bautista sa second round si Mirko Jehiel Cuello ng Argentina na nakakuha ng opening-round bye sa torneong inorganisa ng International Boxing Association.

Si Bautista ang ikaapat na Pinoy pug sa second round.

Unang umusad sina Carlo Paalam, SEA Games gold medallists Eumir Felix Marcial at John Marvin sa kani-kanilang dibisyon.