Katropa moduwa sa China
CEBU, Philippines – Ang TNT KaTropa moduwa og usa ka basketball tournament didto sa Macau, China.
Usa sa ilang banggaon mao ang Liaoning Flying Leopards nga gibitoonan ni ex-NBA All-Star Lance Stephenson isip import karong Septiyembre 17.
Ang ilang pagsalmot sa maong torneyo magsilbe nga tune-up tournament sa TNT uban sa San Miguel Beermen pangandam sa PBA Governors' Cup nga sugdan sa hinapos nga bahin ning bulana.
Si Stephenson usa sa mga sikat nga guwardiya sa NBA, apan gibira siya sa Flying Leopards human mahimong free-agent. Sa katapusang niya nga season diin siya miduwa sa Los Angeles Lakers, si Stephenson mi-average og 7.2 points ug 3.2 rebounds.
Moduwa hinuon ang TNT nga wala sila si Ryan Reyes, Kelly Williams ug Anthony Semerad.
Ang TNT magsalig sa ilang import nga si KJ McDaniels nga sama ni Stephenson, usa sab ka ex-NBA cager.
- Latest
