Blatche angay na nga ilisan

CEBU, Philippines — Alang ni kanhi naturalized center sa Gilas Pilipinas  Marcus Douthit, nga kinahanglan na og bag-ong naturalized player  kay sa iyang nakita nagkahinay na ni Andray Blatche.

Ang 39-anyos nga si Douthit nga miduwa sa Gilas sukad niadtong tuig 2010 sa wala pa siya hulipi ni Blatche sa 2014, miingon nga kinahanglan sa Gilas ang mas bata nga naturalized player alang sa sunod kampanya niini.

Nakita sa unang tulo ka duwa sa World Cup nga dili na kaayo epektibo si Blatche itandi sa iyang mga duwa uban sa koponan sa  miagi mga katuigan.

Giduso ni Douthit  si   San Miguel Beermen  import Chris McCullough nga maayong ipuli ni Blatche.

"Chris McCullough should be the next naturalized big to carry Gilas!! My thoughts!!" matud pa ni Douthit sa iyang social media account.

Nasayran, nga si McCullough nga usa sab ka kanhi NBA player, una na nga mipadayag sa iyang interes nga moduwa sa Gilas.

Gawas ni McCullough, laing mga pangan nga milutaw aron ihulip ni Blatche mao sila si Justin Brownlee ug Terrence Jones Jr.