Clottey naglungot-lungot makig-rematch ni Pacquiao

CEBU, Philippines — Si kanhi IBF Welterweight champion Joshua Clottey nagkanayon nga gusto kaayo niyang makig-rematch ni Manny Pacquiao.

Namulong atol sa usa ka press conference sa dili pa ang away nilang Tanzanian Azizi Mponda, si Clottey mipadayag nga bation siya og tumang kalipay kon ugaling mahatagan og higayon nga makabawos ni Pacquiao.

Ang 41-anyos nga si Clottey gipilde ni Pacquiao pinaagi sa unanimous decision niadtong Marso 13.

Matud pa ni Clottey nga buot niyang makaharong og balik si Pacquiao sa dili pa hingpit niyang pasaopon ang iyang karera.

Sayud hinoon si Clottey nga dili ang iyang pagbuot maoy matuman apan kon hatagan og higayon, andam siyang makibinukbukay ni Pacquiao sa ikaduhang higayon bisan og wala siyay bayad.

Kana kon dili maayo ang ipakita niyang performance batok ni Pacquiao, nga siyam ka tuig human sa una nilang sangka mikulit og record isip bugtong eight-division world champion sa kasaysayan sa boksing.

"I won’t charge any money for the match. If I get to the ring and the performance is not good, then no pay but if the performance is good, then I will charge for the match," dason pa ni Clottey.