Cuello mihagit ni Flores

CEBU, Philippines – Gusto ni kanhi world challenger Denver Cuello nga siya ang sunod makigsangka sa Mehikanong  si Maximino Flores.

Si Cuello mao ang nagkupot sa Asian Boxing Federation bantamweight title, apan andam siya monaog og timbang aron makigsangka ni Flores nga midaog pinaagi sa sixth round decision batok ni Carlo Peñalosa sa ilang IBO flyweight title fight niadtong Domingo.  

Si Cuello nga adunay rekord nga 38-5, 26KOs, miaway na alang sa WBC minimumweight title niadtong 2013, apan napilde siya pinaagi sa majority decision batok ni Chaozhong Xiong.

Ang boxing legend ug karon promoter nga si Gerry Peñalosa mihangop usab sa maong ideya ug tan-awon niya kon mahikay ba niya ang maong sangka karong tuiga.