Russell katimbang ni Curry
CEBU, Philippines – Magpas-an og bug-at nga responsibilidad ang bag-ong sakop sa Golden State nga si D'Angelo Russell tungod kay siya ang himuon nga ikaduhang scorer sa Warriors sa sunod NBA season nga sugdan sa Oktubre.
Si Warriors head coach Steve Kerr miingon nga gihagit niya si Russell nga ipakita iyang kalidad isip usa ka All-Star pinaagi sa pagtabang sa koponan sa scoring ilabi na nga sa tunga-tungang bahin sa season pa makaduwa si Klay Thompson nga padayong nagpaalim sa iyang injury.
Si Russell himuon nga katimbang ni kanhi MVP Stephen Curry sa scoring.
"We're going to need him desperately. Without Klay, especially, we'll need D'Angelo's scoring and it's up to us as a staff to figure out how best to use him to shake the team, shake the offense. And we'll figure it out," matud pa ni Kerr sa Associated Press.
Nasayran, nga limitado na lang ang opsiyon sa Warriors tungod sa pagbiya sa usa nila ka superstar nga si Kevin Durant nga atua na sa Brooklyn Nets.
- Latest
