San Beda, St. Benilde ‘di bibitaw sa itaas

MANILA, Philippines —  Itataya ng co-leaders San Beda Red Lions at St. Benilde Blazers ang  malinis na kartada sa magkahiwalay na laban ngayon sa pagpapatuloy ng Season 95 NCAA basketball tournament sa FilOil Flying V Arena sa San Juan City.

Kapwa nagsosyo ang  three-peat champion Red Lions at Blazers  sa liderato sa parehong 4-0 win-loss kartada kaya ang mana­nalo ay mananatili sa top spot sa kalagitnaan ng first round elimination.

Haharapin ng Red L­ions ang nangungulelat na Mapua Cardinals (0-5) sa alas-2 ng hapon habang magtatagpo naman ang Blazers at pumapangatlong Letran Knights (5-1) sa alas-12 ng tanghali.

Sa iba pang laro, asam  ng San Sebastian Stags (2-3) na bumangon agad sa pakikipagtuos sa Arelano Chiefs (1-4) sa alas-4 ng hapon.

Pinaalalahanan ni coach Boyet Fernandez ang kanyang tropa na huwag magkumpiyansa laban sa Cardinals dahil hindi sila madaling kalaban kahit nasa ilalim ng standing.

Sa iba pang laro, kap­wa galing naman ang Bla­zers at Knights sa panalo matapos maka-eskapo ang Taft-based squad laban sa San Sebastian Stags, 77-72  noong naka­raang Martes habang ginapi naman ng Letran ang Mapua, 89-84 sa parehong araw.