Sykes milatos sa Wipro
CEBU, Philippines – Ang defending champion Sykes Pioneers nagsandig sa eksplosibo niining opensiba sa second half aton bughaon ang Wipro Tigers, 77-70, sa Elite Classic sa Tanduay Athletics CSCC E-Leagues for Basketball Season 15 diha sa City Sports Club-Cebu gym.
Alkansi og sayes puntos sa halftime, 33-39, ang Pioneers milusad og nagkayong 29-14 rally sa ikatulong kuwarter aron sa pagkontrolar niini sa duwa, 62-53, sa hingpit.
Sila si Earldred Cesar Montilla ug Victor Manuel Rabat nagkumboya og 44 puntos alang sa Sykes nga igo kaayong nakatapak sa haw-ang nga gibiyaan ni Janjan Auditor.
Sa laing duwa sa Elite Classic, ang Teleperformance Vipers mipakaging sa Eperformax Reds, 65-58, alang sa una nilang daog sud sa duha ka duwa.
Si Mon Xavier Dico mikolekta og 16 puntos ug 10 ka rebounds samtang si Kenz Carlie Hernandez midugang og 10 puntos alang sa Vipers nga dali kaayo nakabawi human gipilde sa Concentrix Covergys, 83-87, sud sa duha ka overtime. Ang Reds nahisukamod bisan pa man impresibong salida ni Robert Gilo, nga mitapos uban ang 27 puntos ug 15 ka rebounds.
Sa EVO League, ang Contact Solutions Flying Lemurs midaog pinaagi sa 'forfeit' batok sa Author Solutions Philippines Inc. (ASPI) Hardbacks.
- Latest
