Canillas customs brokerage, 4-0 na sa CABL
CEBU, Philippines – Gipun-an sa Canillas Customs Brokerage ang kalbaryo sa Alin Logistics pinaagi sa pagpilde, 90-84 sa Cebu Aduana Basketball Legends (CABL) Season 1 niadtong Sabado didto sa Basak gym, Dakbayan sa Sugbo.
Ang Canillas nga nagtangag na karon og 4-0 win-loss record, gipangulohan ni Marvin Sillar nga mikolekta og 28 puntos, gisundan ni Rex Bensi sa iyang 24 puntos. Sila si Ferdinand Sigue ug Jorice Zabate mihakot og 13 ug 10 puntos sa team ni Roy Canillas.
Nangu sa napildeng Alin Logistics mao silang Ryan Barral ug Prime Oporto nga parehong mitimbre'g 15 puntos.
Mitikdol og 14 puntos si Loreto Castillo, samtang sila si Javier Deniega ug Goryo Baltonado parehong miantog og 12 puntos sa Alin Logistics nilang Israel Alin ug Ryan Barral nga wala pa'y daog sa lima ka duwa.
Sa laing pang aksiyon, ang Petracorta Customs Brokerage milansang og 3-1 nga baraha human gilubong ang JAM Customs Brokerage, 80-66.
Gipangulohan nilang Joey Petracorta, Edwin Napal ug Christian Villacastin ang daog nga pulos mikadlit og 12 puntos. Si Reyden Villaronza miamot og 10 puntos sa team ni Mayor Melchor Petracorta.
Ang team manager nga si Primitivo Mondin maoy nangu sa JAM nga mikulit og 13 puntos, gisundan nilang Jesus Diano ug Jovani nga nag-amotay og 10 puntos.
Midaog sab ang OPASCOR batok sa JD&M Customs Brokerage, 70-63.
Ang OPASCOR ni Digoy Solidarios gipangulohan ni Emy Gaviola nga miburak og 12 puntos, samtang sila si Jojo Quiño ug Rafanan mitimbre'g 10 puntos matag usa alang sa ilang 3-3 nga baraha.
Sila si Jeff Inhambre ug Rito Badon parehong miiskor og 12 puntos aron mangu sa JD&M ni Jonathan Matibag nga nagbitbit og 2-3 nga baraha.
Ang liga gidumala nilang Janno Boniao, Noel Medalle, Ferdinand Sigue, Sidney Ganapin ug Jun Gayo ug ingon man ni Roy Canillas isip consultant.
PUNTOS MATAG USA
Unang duwa:
CANILLAS (90) – Sillar 28, Bensi 24, Sigue 13, Zabate 10, Bukiron 5, Marata 4, N. Medalle 2, Dela Cerna 2, Gambe 2.
ALIN (84) – Barral 15, Oporto 15, Castillo 14, Deniega 12, Baltonado 12, Belarde 6, Bitang 6, Alaan 3.
Ikaduhang duwa:
PETRACORTA (80) – J. Petracorta 12, Napal 12, Villacastin 12, Villaronza 10, Palero 9, Agustinez 6, Sagarino 4, Largosa 4, M. Petracorta 3.
JAM (66) – Mondin 13, Diano 10, Jovani 10, Rodriguez 9, Entero 8, Labana 6, Monares 4, Taladua 2, Cañete 1.
Ikatulong duwa:
OPASCOR (70) – Gaviola 12, Quiño 10, Rafanan 10, Pastor 9, Solidarios 8, Garcia 7, Respecia 6, Abesia 3, Empleo 2.
JD&M (63) – Inhambre 12, Badon 12, Borromeo 9, Ibo 8, Matibag 7, Manlosa 6, Palad 4, Velez 4, Fuentes 2.
- Latest
