Almazan mamawi karon
CEBU, Philippines — Misaad si Raymond Almazan sa Meralco Bolts nga mohimo og impresibong duwa batok sa Alaska Aces sa PBA Commissioner's Cup karong adlawa didto sa Ynares Center.
Sugdan ang duwa sa alas-4:30 sa hapon.
Si Almazan nga kontrobersyal gi-trade sa Rain or Shine Elasto Painters ngadto sa Meralco, mihimo sa iyang 'debut' niadtong Biyernes, apan igo lang siya nakahimo og tres puntos.
Ang 6-foot-8 nga si Almazan miangkon nga nabag-ohan pa siya sa sistema ni coach Norman Black ug bag-o pa usab siya nakarekober gikan sa injury.
Ang Bolts ug Aces adunay 3-2 nga baraha ug ang modaog magsolo sa ikaupat nga dapit sa standing.
Gawas sa opensa, gihatagan usab og responsibilidad si Almazan sa depensa batok sa import sa Aces nga si Chris Daniels.
Sa main game sa alas-6:45 sa gabii, ang Phoenix Fuel Masters makigsangka sa Rain or Shine.
- Latest
