Light team mipilde sa Dark team sa FYA All Star Game 2019
CEBU, Philippines – Nagmadaugon ang Light team batok sa Dark team, 79-71 sa FYA Yoyi's Pastries & Desserts All-Star Game niadtong Domingo didto sa Atillo gym sa Labangon, Dakbayan sa Sugbo.
Grabe kaayong nakaduwa si Justine 'FYA Hotshot' Urot ug gipangulohan ang Light team pinaagi sa iyang 25 puntos nga nakadani sa mga organizer pagpili kaniya nga most valuable player.
Mihirit og 11 puntos si Val Ramirez alang sa Light team nga miarangkada dayon pagsugod aron molansang og 12 puntos nga bentaha sa first quarter, 20-8.
Namintinar nila ang ilang 12 puntos nga labaw ug gitapos ang first half sa iskor nga 37-25.
Mihiyos man tuod ang ilang labaw sa fourth quarter, apan ang oras nagkahilis sab.
Wala kaayo makahuyglo sila si Noel Medalle, Daniel Enriquez ug Dexter Caballero nga nagkumboya lang og 19 puntos.
Sila si Derick Tabares ug Francois Paracuelles miposa'g 12 puntos matag usa aron mangu sa Dark team, samtang si Jimjim Rara mitampo og 11 puntos sa maong kapildihan.
Si Ahlmark ' Super Marco' Albarracin nalimitahan lang sa siyete puntos, apan angay gihapon siya nga magmaya kay siya man ang gibayaw nga 3-point king.
Sa laing sidelight event, sila si Val Ramirez ug Jason Enriquez maoy midaog sa 2 balls skills challenge.
PUNTOS MATAG USA
LIGHT (79) – Urot 25, Ramirez 11, D. Enriquez 7, D. Caballero 6, N. Medalle 6, Sydiongco 4, Canoy 2.
DARK (71) – D. Tabares 12, Paracuelles 12, Rara 11, Pepito 8, Albarracin 7, Regudo 6, Bocado 5, Caballes 4, Cababahay 2, S. Aglipa 2, Silvano 2.
- Latest
