Team Pacquiao mikuha'g lig-ong sparmate

CEBU, Philippines — Karon nang adlaw'ng Martes sugdan ni regular WBA welterweight champion Manny Pacquiao ang iyang sparring sessions pangandam sa sangka niini batok  ni  super WBA champion Keith Thurman sa Hulyo 20 didto sa MGM Arena sa Las Vegas.

Ang head trainer ni Pacquiao nga si Buboy Fernandez nagkanayon nga gihan-ay na nila ang sparring sessions ug ang mga rounds niini. Si Pacquiao misugod na sa iyang preparasyon niadtong miaging semana diin mipahigayon siya og mga conditioning training ug punch mitts session didto sa kaulohan.

Gikataho nga dili pa katunga ang chief sparmate ni Pacquiao nga si George Kambosos, apan nakakuha sila og lig-ong  boksidor nga makatabang sa preparasyon ni Pacquiao.

Si conditioning coach Justin Fortune miingon nga ilang gikuha ang knockout artist ug Russian nga si Tim Tszyu, kinsa gihulagway nga susama og kusog ni Thurman. Si Tszyu adunay rekord nga 13-0, 10KOs.