Tag-iya sa Cavs hapit ma-stroke
CEBU, Philippines — Ang tag-iya sa Cleveland Cavaliers ug bilyonaryong si Dan Gilbert nakarekober na human nagpa-ospital kay mipakita og sintomas sa stroke.
Matud pa sa mga opisyal sa Quicken Loans, nga si Gilbert nakadawat dayon og medikal nga atensiyon ug komportabli nang nakarekober human miadto sa usa ka tambalanan didto sa Detroit kay nakabatyag og mga sintomas sama sa usa ka stroke.
Wala na hinuon sila mohatag pa og dugang detalye sa kondisyon ni Gilbert ug ilang gihangyo ang pribasiya sa pamilya niini.
Ang 57-anyos nga si Gilbert maoy nakapanag-iya sa Cavs sukad niadtong 2005.
Sa miaging semana, iyang gipaila-ila si John Beilein isip bag-ong coach sa Cavs.
Ubos sa iyang liderato, ang Cavs nakasud sa NBA Finals lima ka higayon ug nakampiyon niadtong 2016 luyo sa kombinasyon nilang LeBron James ug Kyrie Irving. (BANAT NEWS)
- Latest
