Reavis takus nga mopugong ni Fajardo

CEBU, Philippines – Dako ang pagtuo ni Fil-American Rafi Reavis nga aduna siya'y  abilidad   nga mopugong sa giilang labing dominanteng PBA player karon nga si JuneMar Fajardo.

Si Reavis maoy mipugong ni Fajardo nga usa sa yawi sa kadaogan sa   Magnolia   Hotshots sa Game-3 niadtong Miyerkules  aron makabentaha sa  series, 2-1.

Laraw sa Magnolia nga mosakmit og laing daog karong gabii sa Game-4 nga motabang kanila sa pagpaduol sa ilang damgo alang sa PBA Philippine Cup title didto sa Araneta Coliseum. 

Ang 41-anyos nga si Reavis veteran mipakita sa iyang abilidad sa depensa batok  ni Fajardo nga nalimitahan lang og 17 puntos sa Game-3. Si Fajardo mi-average og dul-an sa 30 puntos matag duwa.