6,000 runners managan sa 1st IPI Run

CEBU, Philippines – Moabot ngadto sa 6,000 ka mga runners ang maginukdanay sa kadalanan alang sa labing unang IPI Run ugma sayo sa buntag didto sa Pescadores Road sa Cebu Business Park.

Ang lumba nga kabahin sa ika-60 nga anibersariyo sa International Pharmaceuticals, Inc.,  adunay 500m, 3K, 6K, 12K ug 21K categories.

Ang 6K maoy adunay labing daghan nga partisipante sa tanang kategoriya nga miabot sa 2,000.

Unang buhian sa alas-3 sa kaadlawon ang 21K half-marathon nga seguradong salmotan sa mga elite runners ug Kenyans, isunod ang 12K sa alas-3:30 sa kaadlawon, ang 6K sa alas-3:45  ug dayon ang 3K sa alas-4 sa buntag.

Kapin sa usa ka milyon nga ganting salapi ang gitagana alang sa mga top performers uban ang mga freebies nga ipanghatag atol sa raffle draw human sa lumba.