Magnolia, Rain or Shine magtiwas alang sa finals slot

CEBU, Philippines — Wala na'y ugma pa alang sa Magnolia Hotshots ug Rain or Shine Elasto Painters kay magsangka sila sa katapusang higayon alang sa luna sa finals sa PBA Philippine Cup.

Ang Game 7 sugdan karong alas-7 sa gabii   didto sa Smart Araneta Coliseum.

May kahigayonan unta ang Magnolia  nga moabante sa finals,  apan napukan sila sa Rain or Shine sa Game-6 niadtong Biyernes.

Ang modaog maoy makaangkon og katungod sa pakigsangka sa defending champion San Miguel Beermen sa finals.

Atol sa Game 6,    Painters nangigo og maayo gikan sa three-point area pinangulohan ni kanhi two-time MVP James Yap nga adunay 16 puntos.