Donaire modaog pinaagi sa knockout batok ni Tete
CEBU, Philippines — Gitagna ni US Olympic coach Kenny Adams nga modaog pinaagi sa knockout si WBA bantamweight champion Nonito Donaire sa sangka niini batok ni WBO king Zolani Tete sa South Africa sa ilang unification bout karong Abril 27 didto sa Louisiana.
Si Adams usa sa mga migiya karon ni Donaire sa iyang ensayo didto sa Las Vegas ug nakita niya ang kaandam sa kanhi Pinoy boxing champion nga mopakita nga siya ang hari sa bantamweight division.
Si Adams nagkanayon nga dili basta-basta ang abilidad ni Tete tungod kay maayo kini mogamit sa iyang gitas-on, apan ang kusog ug kaabtik ni Donaire ang mopatigbabaw ilabi na nga kapin sa duha ka buwan na kini nga mipaubos sa subsob nga ensayo.
Si Tete wala pa mapilde sa iyang katapusang 12 ka away, apan si Donaire nakita nga mas gutom nga mosakmit og laing bakus sa bantamweight division.
Ang modaog sa Donaire-Tete showdown maoy makigsangka sa modaog sa sangka tali nila ni Japanese champion Naoy Inoue ug Emmanuel Rodriguez sa Puerto Rico sa Mayo 18. (BANAT NEWS)
- Latest
