Nowitzki salig nilang Doncic, Porzingis

CEBU, Philippines – Gitugyan na sa retiradong  Dallas Mavericks superstar Dirk Nowitzki ang iyang pagsalig ngadto sa mga batan-ong Euro stars nga sila si Luka Doncic ug Kristaps Porzingis nga mohatag og dungog sa Mavs franchise.

Si Nowitzki nga miretiro na human sa 21 ka season   misalig sa duha nga maoy hayag nga kaugmaon sa Mavs nga taud-taod na nga wala kaduwa sa NBA playoffs.

Bilib kaayo si Nowitzki  ni Doncic nga gitan-aw karon nga numero unong kandidato alang sa 'Rookie of the Year'. Gusto usab niya nga hingpit nga makuha ni 7-foot-3 nga si Porzingis ang iyang siyento porsiyento nga kahimsog aron modominar pagbalik.