Heat mudaog alang ni Wade

CEBU, Philippines — Krusyal nga daog ang giapas karon sa Miami Heat tungod kay kini ang muhukom kung magpadayon pa ba ang ilang paglaum sa playoffs sa NBA.

Ang Heat makigsangka sa lig-ong Toronto Raptors ug kung mapildehan, hingpit na sila nga manamilit sa ilang tsansa sa playoffs.

Ang Heat anaa sa ikasiyam nga dapit sa East sa ilang 38-41 record.

Si Heat coach Erik Spoelstra nagkanayon nga gawas sa pagsud sa playoffs, gusto usab nila nga malugwayan pa ang NBA appearance sa ilang legend nga si Dwyane Wade kinsa moretiro na human sa season.