Sukmagay sa Parkmall
CEBU, Philippines – Si Tomjone 'Wardog' Mangubat nga usa karon sa mga gitan-aw nga world title prospects gikan sa Omega Boxing Gym makigharong ni Arnel Baconaje alang sa bakanteng WBC Asia Silver featherweight title karong gabii didto sa Parkmall grounds sa Mandaue City.
Si Mangubat nga wala pa'y pilde sa 10 ka away diin siyam niini gikan sa knockout mibahad nga iyang ibuga ang talagsaon niyang kusog aron iyang mapatumba si Baconaje (10-3, 8KOs).
"Grabe akong paningkamot sa training. Wala gyud ko'y undang sa praktis kay gusto gyud nako nga matuman ako damgo nga mahimong world champion," matud pa ni Mangubat.
Sa supporting bouts, ang mga stablemate ni Mangubat nga sila si Mark Vicelles ug Ponciano Rimandiman laraw usab nga modaog batok sa tagsa-tagsa nilang kaatbang.
Si Vicelles (9-0, 5KOs) makigbinukbukay ni Robert Onggocan (11-4, 7KOs), samtang si Rimandiman (9-4, 5KOs) makigharung ni Rowel Rosia (14-7, 7KOs).
- Latest
