Coach sa Blackwater miretiro

CEBU, Philippines —  Wala maabti'g usa ka tuig, miluwat dayon sa iyang katungdanan si Bong Ramos isip head coach sa Blackwater Elite.

Si Ramos nga maoy mihulip ni coach Leo Isaac nakadesisyon  nga buhian iyang posisyon tungod sa ubos nga performance sa Blackwater sa nagpadayong All-Filipino Cup diin usa sila sa sayong natagak sa karon nga conference bitbit ang 2-9 nga baraha.

Iyang nahatod ang Blackwater sa playoffs sa Governors' Cup,  apan wala maitsura ang kampanya sa team sa Philippine Cup sukad ilang giilasan ang veterans sa rookies lakip na ang Sugboanong si Paul Desiderio.

Samtang wala pa'y head coach, ang kanhi Barangay Ginebra player nga si Aris Dimaunahan mao una ang gitudlo nga interim coach sa koponan uban sa mga assistant nga sila si Rommel Adducul ug Bogs Adornado.