Perrelos mohimo basketball referee seminar karon

CEBU, Philippines – Ang Perrelos Barangay Council ubos sa liderato ni Barangay Captain Richard Ybañez mopahigayon og basketball referee seminar karong adlawa didto sa Marcelo B. Fernan gym sa Perrelos, Dakbayan sa Carcar, amihanang bahin sa Sugbo.

Ang usa ka adlaw nga seminar sugdan sa alas-8 sa buntag ug matapos sa alas-4 sa hapon.

Matud pa ni kapitan Ybañez nga ang seminar sa referees ug table officials gituyo alang sa ilang preparasyon sa Perrelos Inter-Purok basketball tournament nga buksan karong Marso 31.

Gitahasan ang tanan konsehal sa pagpadala og tagtulo ka tawo aron paapilon sa maong seminar.

Dugang pa ni kapitan Ybañez nga dako nilang garbo nga aduna na unya sila'y kaugalingong mga reperi ug may kahigayonan sab nga makareperi dinhi sa Siyudad sa Sugbo.

Ang referee seminar pagadumalaon ni Cebu Schools Athletic Foundation, Inc. (CESAFI) head referee Edwin Dejacto Sr. inabagan ni Julius Labalan.