Anak ni Artest gusto moduwa sa Gilas

CEBU, Philippines — Si NBA champion Metta World Peace  miingon nga gusto sa iyang anak ug high school standout  Jeron Artest nga moduwa sa Philippine team sa umaabot.

Si World Peace  (Ron Artest sa tinuod nga pangan), mianhi sa nasud uban si Jeron, kinsa anak sa usa ka Pinay.

Si Artest mipakita sa iyang katakus sa nagpadayong National Basketball Training Center (NBTC) League. Si Artest usa sa mga init nga prospect sa Estados Unidos uban ang laing Fil-American nga si Jalen Green. Wala pa miduol ang Samahang Basketbol ng Pilipinas sa maong mga Fil-Am players, apan mipakita na og interes ang SBP sa pagkuha sa duha alang sa national team.