Columbian batok TNT
CEBU, Philippines – Laraw sa Columbian Dyip nga mokulit og daog sa sangka nila batok sa TNT KaTropa sa PBA Philippine Cup karong adlawa didto sa Ynares Center. Ang Dyip ug KaTropa magbangga sa alas-4:30 sa hapon.
Ang Dyip nahimutang sa ikasiyam nga dapit sa standing uban ang rekord nga 4-6 ug ang daog nila karon mohatag kanila sa katapusang luna sa playoffs nga kasamtangang gihuptan sa Alaska Aces (4-5). Kun mapilde, ang Dyip hingpit na nga manamilit sa playoffs.
Paningkamuton ni Dyip coach John Cardel nga modaog aron mahatod iyang koponan sa playoffs ug ingon man dili mausik ang nindot nila nga sugod sa All-Filipino Cup diin nakuptan nila sa makadiyot ang No. 1 sa rekord nga 3-1.
Wala hinuo'y plano ang KaTropa nga ihatag ang daog sa Dyip kay gusto nila inaton ilang rekord aron makakuha sa 'twice-to-beat' sa quarterfinals.
Sa main game sa alas-7:30 sa gabii, ang Magnolia Hotshots makigbatok sa natagak na nga Blackwater Elite.
- Latest
