James Yap, Beau Belga; Rey Guevarra idedepensa ang korona
MANILA, Philippines — Idedepensa nina Beau Belga, James Yap at Rey Guevarra ang kani-kanilang mga Skills Challenge title sa 2019 PBA All-Star week sa Calasiao, Pangasinan.
Hangad ni Belga na maipagtanggol ang kanyang suot na Obstacle Challenge crown na tatampukan ng mga top big men habang target ni Yap ang kanyang back-to-back Three-Point shootout championship at pipilitin ni Guevarra na makamit ang pang-limang Slam Dunk title sa nasabing annual festivities na nakatakda sa Marso 29-31.
Kabuuang 11 big men ang magtatangkang agawin kay Belga ang suot niyang korona kabilang si 2018 runner-up John Paul Erram ng NLEX.
Determinado naman si Guevarra na makamit ang kanyang pang-limang Slam Dunk crown para makatabla ang record-holder na si Niño Canaleta.
Ang iba pang makakalaban ni Guevarra ay sina Renz Palma (Blackwater), Chris Newsome (Meralco), Lervin Flores (NorthPort) at top rookie pick CJ Perez (Columbian Dyip).
- Latest
