Cebuano dancesport athletes moapil sa Phl team try-out
CEBU, Philippines – Unom ka paresan sa mga Sugboanong dancesport athletes ang mangindahay nga maapil sa Philippine team uban ang tinguha nga makarepresentar sa nasud sa Southeast Asian Games didto sa Clarkfield, Pampanga karong Nobiyembre.
Ang try-out ipahigayon atol sa Dancesport Council of the Philippines, Inc. (DSCPI) First Quarterly Ranking
and Competition didto sa Valle Verde Country Club sa Pasig City karong Marso 16.
Lima sa unom ka pares nga pulos sakop sa Dancesport-Team Cebu City mopakita'g aksiyon sa Latin American category. Kini mao sila si Wilbert Aunzo ug Pearl Marie Cañeda, Anselmo Estillore ug Mae Pabuaya, John Paul Mocorro ug Mary Joy Dumusmog, Andrew Ysla ug Noelyn Pedrano, Jake Corro ug K Jocson ug Simon Asuque ug sila si Jasmine Labra and Gylle.
Samtang sila si Niño Diluvio ug Yeddah Marie Castañares morampa ubos sa modern standard division.
Sa dihang gipaila-ila ang dancesport niadtong 2005 SEA Games diha sa Waterfront Cebu City Hotel and Casino, ang mga Sugboanon mihimo og kasaysayan human sila si Michael Mendoza ug Belinda Adora misakmit og bulawang medalya ug sila si Dearlie Gerodias ug John Erolle Melencio nga midaog og silver sa Latin action.
- Latest
