8th AWUM plansado na
CEBU, Philippines – Plansado na ang tanan alang sa pagpahigayon sa ikawalong edisyon sa All Women Ultra Marathon (AWUM) karong Sabado diha sa The Terraces sa Ayala Center Cebu.
Moabot ngadto sa 350 ka female runners ang mipadayag sa ilang pagsalmot ning tinuig nga lumba.
Usa sa mga organizers nga si Dr. Willie Estepa miingon nga sa labing unang higayon adunay runners gikan sa Australia ug USA nga moapil sa 50 ka kilometro nga ultra-marathon nga namugna subay sa kasaulogan sa International Womens Month.
Dugang pa ni Estepa nga ang labing batan-on nga runner nga nagpalista nag-edad og 18-anyos, samtang ang labing edaran mao ang 63-anyos nga lola.
Si Cebu City Councilor ug usa sa mga suporter sa lumba sud sa dugay nang panahon nga si Joel Garganera miseguro usab sa seguridad sa mga entrante ilabi na nga maabtan og kadlawon ang dagan.
"We would just like to remind everyone that there are 350 women who will be running starting on Saturday evening until the wee hours," matud pa ni Garganera. "We ask everyone to give way to the runners and we should treat our women runners with the utmost care and respect."
Sa naandan na, ang kampiyon maoy koronahan isip 'AWUM Queen'.
Makadawat sab og finishers medal ang makahuman sa lumba.
- Latest
