Pogoy mangu sa south reserves sa pba all-star game
CEBU, Philippines – Sa ikatulong sunod-sunod nga season, ang Cebuano point guard nga si Roger Pogoy naapil na sab sa South team sa PBA All-Star Game sunod buwan didto sa Pangasinan.
Ang third year guard sa TNT gipili sa 12 ka PBA coaches nga malakip sa All-Star reserve tungod sa kahait niini sa opensa diin usa siya sa mga kasaligang scorer sa KaTropa karon nga season. Si Pogoy makigduwa uban sa laing Cebuano cagers nga sila si Greg Slaughter sa Ginebra ug JuneMar Fajardo sa San Miguel kinsa una na nga napili nga starters sa South.
Gawas ni Pogoy, laing mga ginganlan nga All-Star reserves kagahapon mao sila si Terrence Romeo, Chris Ross, Baser Amer, PJ Simon, Poy Erram, Jio Jalalon ug Joe Devance sa South.
Ang North reserves naglakip nilang Jayson Castro, Alex Cabagnot, Gabe Norwood, Arwind Santos, Troy Rosario, Marc Pingris ug Chris Banchero.
- Latest
