Booker modepensa batok managsuong Curry, Dirk

CEBU, Philippines – Ang defending champion nga si Devin Booker  sa Phoenix Suns makigtakus batok sa managsuong Curry nga sila si Stephen ug Seth ug ingon man sa beteranong si Dirk Nowitzki sa Dallas Mavericks sa 3-point shootout nga maoy molamas sa All-Star weekend karong Pebrero 15-17 didto sa Charlotte, North Carolina.

Si Booker maoy gikoronahang 3-point king sa miaging tuig human mikulit og record nga 28 puntos sa final round. Si Stephen Curry maoy midaog sa titulo niadtong 2015, apan wala kini miapil sa kompetisyon sa miaging duha ka tuig.

Ang maong event magsilbe sab nga 'homecoming' sa mga Curry, kansang amahan nga si Dell nakaduwa og 10 ka season uban sa Charlotte Hornets.