Alab mibawos sa Malaysia

CEBU, Philippines — Walay kukaluoy nga gilubong sa defending champion Alab Pilipinas ang karibal  nilang Westports Malaysia Dragons, 85-47 sa ABL sa miaging gabii didto sa Sta. Rosa Sports Complex sa Laguna.

Ang Alab nga nagsolo na sa liderato bitbit ang 8-3 nga baraha, gipangulohan sa higanteng si PJ Ramos nga adunay 25 puntos ug 11 ka rebounds.

Ang import nilang si Renaldo Balkman miamot og 13 puntos, samtang si Paolo Javelona mitampo og 11 puntos  sa Alab nga mirehistro og impresibong daog bisan pa og wala miduwa ang MVP nga si Ray Parks Jr. tungod sa injury.

Ang Alab nga wala pa'y pilde sa ilang homecourt,  moduwa karon batok sa Hong Kong Eastern Lions.