Broner dili manginlabot sa MayPac 'rematch'
CEBU, Philippines — Ang iyang away karong Enero 19 (Enero 20 oras dinhi sa Pilipinas) didto sa Las Vegas maoy bugtong butang nga anaa sa huna-huna ni Adrien Broner.
Sa dihang nahinabi sa mga tigbalita sa usa ka international media, si Broner nagkanayon nga atimanon niya ang legal niyang problema unya pa inig kahuman sa iyang paghagit ni WBA welterweight champion Manny Pacquiao.
"That's just something I'll take care of after the fight. Right now I'm 100% focused on the fight. I'm just ready to come to the ring January 19th and get a victory," matud pa ni Broner.
Mipaambit sab si Broner sa iyang panahom sa potensiyal nga 'rematch' nilang Pacquiao ug Floyd Mayweather Jr.
Matud pa ni Broner nga wala siya'y labot niini kay nakapokus kaayo siya sa sangka nilang Pacquiao.
Miinsister si Broner nga wala siya'y laing tuyo kondili ang pagpalayas ni Pacquiao sa iyang trono.
"Pacquiao is a legend. He's going to go down as one of the best in the business. I just feel it's my time. I'm coming to take the throne from Pacquiao," bahad sa kanhi three-division world champion nga si Broner.
- Latest
