Fajardo patabang ni Alapag
CEBU, Philippines – Usa si superstar center JuneMar Fajardo sa nagmaya sa pagtapon ni Jimmy Alapag sa San Miguel Beermen.
Si Alapag gikuha isip bag-ong coaching staff sa Beermen.
Ang Sugboanong si Fajardo nagkanayon nga dako og matampo si Alapag sa pagpalambo sa lig-on na kaayong line-up sa Beermen. Mitug-an si Fajardo nga naghinamhinam na siya nga ikauban si Alapag sa mga training ug gusto niya nga matabangan sa kanhi national team point guard ang pagpalambo sa iyang outside shooting.
"Syempre masaya ako kasi alam naman natin kung ano yung na-achieve niya sa PBA at sa national team. Ang laki ng maitutulong niya sa team namin," matud pa ni Fajardo sa Spin.ph.
Natay-og ang kalibotan sa PBA sa kalit nga anunsiyo sa San Miguel diin gikuha nila si Alapag isip bag-o nilang assistant coach kay nailhan ang kanhi PBA multiple champion nga gikan sa TNT KaTropa nga mortal nga kaaway sa Beermen.
Gawas sa shooting ug ball handling, makatampo usab si Alapag kun kasinatian ang hisgutan tungod sa taas nga tuig niya sa liga.
- Latest
