DeRozan naka-triple double, Leonard gi-boohan
CEBU, Philippines – Mihimo sa labing una niyang 'triple-double' sa iyang karera si DeMar DeRozan atol sa kadaogan sa San Antonio Spurs batok sa Toronto Raptors, 125-107 aron barawon ang pagbalik ni Kawhi Leonard didto sa Alamo City.
Si DeRozan mikolekta og 21 puntos, 14 ka rebounds ug 11 ka assists aron pagwani ni Leonard nga mibiyahe og balik sa San Antonio sa labing unang higayon sukad siya gi-trade ngadto sa Toronto atol sa off-season.
"I just wanted to go out and have fun," matud pa ni DeRozan. "I didn't want to put too much pressure on it. It was a great game. My teammates always find openings, they knock it down and they make me look good."
Misalida sab si LaMarcus Aldridge uban ang 23 puntos, samtang sila si Bryn Forbes ug Derrick White nagkumboya og 39 puntos alang sa Spurs nga sa usa ka higayon naglabaw og 28 puntos, 79-51 dayon na sa pagpakgang sa tulo ka sagunson nga daog sa Raptors.
Si Leonard mihipos og 21 puntos, apan gisuliyawan ug gi-boohan kini tibuok duwa sa dismayadong mga fans sa Spurs nga mibansag kaniya nga 'traydor'.
Si Leonard miduwa og pito ka seasons sa Spurs sa wala pa nakahukom nga mobiya sa team. Nalandig siya sa Raptors hulip ni DeRozan.
Human hinuon sa duwa, gigakus ni Leonard ang kanhi niya coach nga si Gregg Popovich ug dayon miadto sa San Antonio bench aron kumustahon si assistant coach Ettore Messina.
"I felt badly about it. Kawhi is a high-character guy. We all make decisions in our lives, what we are going to do with our futures, and he has that same right as any of us. So I felt badly, honestly," reaksiyon ni Popovich sa gihimong pag-'boo' sa ilang fans ngadtong Leonard.
- Latest
