Korona sakmiton na
CEBU, Philippines – Dili na motugot ang Magnolia Hotshots nga mosangpot sa Game-7 PBA Governors Cup finals series.
Buot putlon sa Hotshots ang upat ka tuig nga huwaw sa kampiyonato sa dihang mag-abot sila pag-usab sa Alaska Aces sa Game 6 karong gabii didto sa Ynares Center.
Si Hotshots coach Chito Victolero nagkanayon nga usa ka nindot nga regalo alang kanila ang pagdaog sa Governors Cup title
ug dili na nila hatagan og higayon ang Alaska nga makatabla pa sa serye.
"Ito ang pinaka-magandang regalong pwede namin ibigay sa sarili namin. The opportunity is there, so susubukin namin kunin," matud pa ni Victolero sa PBA.com
Gawas nga naghinam-hinam na sila motilaw og balik sa kampiyonato nga katapusan nilang natagamtaman niadtong tuig 2014 diin si Tim Cone pa ang coach, ang Magnolia maglikay usab sa delikadong sitwasyon kun moabot ang serye sa Game-7.
- Latest
