40th Mano Amon Run kasado na
CEBU, Philippines – Andam na ang tanan alang sa Halad Kang Mano Amon Run 2018 nga gikatakda karong Disembre 23 didto sa Plaza Mano Amon sa Dakbayan sa Danao.
Ang lumba naglangkob og 3K, 6K ug 12K nga mga distansiya. Ang mga estudyante puwede moapil sa 3K, ang mga residente sa Danao mahimong mosalmot sa 3K ug 6K, samtang ang 12K abli sa tanan.
Gipahinungod ni anhing Ramon 'Mano Amon' Durano Sr., ang maong lumba anaa karon sa ika-40 niini nga edisyon.
Ang Danao City Sports Commission maoy nag-organisar sa maong tinuig nga lumba.
Gawas sa medalya, ang mga organizers duna sa'y gitagana nga P40,000 nga ganting salapi ngadto sa mga mananaog. Ang nag-unang 500 nga maabot sa finish dunay libreng singlet.
Libre ang rehistrasyon ning maong fun run.
Ipahigayon ang rehistrasyon karong Disyembre 17 ngadto sa 21 diha sa buhatan sa City Administrator sa dakbayan sa Danao.
Alang sa dugang mga detalye, mahimong motawag sa 266–9976.
- Latest
