Desiderio usa sa giatngan sa 'Rookie Draft'

CEBU, Philippines — Ang Cebuano collegiate star nga si Paul Desiderio usa karon sa  giatngan  kun  asa kini mapunta atol sa tinuig nga PBA rookie draft karong Disyembre 16.

Si Desiderio, ang yawi sa University of the Philippines (UP) nga misulod sa finals sa UAAP, gitan-aw nga dako og tsansa nga masulod sa top 10 sa draft nga posibleng harian ni NBA Developmental League player Ray Parks Jr.

Ang 5-foot-10 nga si Desiderio  nag-average og 13.7 points ug 5.7 rebounds uban  sa UP.

Ang kanhi University of the Visayas (UV) Baby Lancers cager, mipasalig nga dili magmahay ang koponan nga mokuha kaniya tungod kay suwayan niya pagsunod ang  duwa  sa   iyang idolo ug 7-time  PBA  champion nga si Peter Jun Simon sa Magnolia Hotshots.