Noah mipirma kontrata uban sa Grizzlies

CEBU, Philippines — Ang free agent nga si Joakim Noah mipirma og kontrata uban sa Memphis Grizzlies alang sa nahibilin nga bahin sa NBA season.

Ang 33-anyos nga kanhi "Defensive Player of the Year" mitapon sa Memphis human siya buhi-i sa New York Knicks sa pre-season.

Dili na maayo  ang pagtratar sa Knicks ngadtong Noah niadto pa lang sa miaging season human sila nagkasungi ni Jeff Hornacek.

Si Noah nalandig sa Knicks human sa siyam ka tuig uban sa Chicago Bulls.

Ang 6-foot-1 nga sentro nasakop sa 2013-2014 All-NBA First Team ug mitapos sa ikaupat sa MVP rankings sa maong season.

Nakasilbe siya og 625 ka duwa sukad gikuha nga No. 9 overall pick niadtong 2007 NBA Draft. Duna siya'y average nga 8.9 points ug 9.3 rebounds matag duwa.