Barriga moaway na alang sa IBF minimumweight title

CEBU, Philippines — Paningkamuton ni Filipino world title contender  Mark Anthony Barriga  nga makahatag og laing  kalibotanong titulo sa Pilipinas sa iyang pakigsangka  batok ni Mexican Carlos Licona  alang sa IBF minimumweight title karong adlawa didto sa Staples Center sa Los Angeles, California.

Si Barriga nga  stablemate  ni  IBF super flyweight champion Jerwin Ancajas adunay rekord nga 9-0, 1KO, apan atubangon niya ang labing lisud niyang hagit batok ni Licona nga wala sa'y pilde sa 13 ka away.

Kun modaog, si Barriga  mahimong ikaunom nga Pinoy world champion sunod ni Manny Pacquiao (WBA welterweight); Ancajas, Nonito Donaire (WBA super bantamweight); Donnie Nietes (WBO flyweight) ug Vic Saludar (WBO minimumweight).